Jè meggh’ a cambè

 

Siamo nell’anno 1973, l’inflazione ha raggiunto livelli di guardia. Non si trova più moneta spicciola, si stampano i “Mini assegni”. Corruzione, droga e malcostume si insinua­no nella nostra società, il disagio e l’incapacità di adat­tarsi a questa nuova realtà, spingono il poeta a desidera­re addirittura di passare, come suol dirsi, a “miglior vita”. Ma dopo aver dato uno sguardo onirico nell’aldilà, conclude dicendo che, nonostante tutto, è meglio lasciare le cose come stanno. La poesia si intitola: Jè meggh’ a cambè.

D’ stu munnn’, ormai uastat’,
quas’ quas’ m’è stangat’.
Andò nungh’ tien’ ment’
chiù n’scioun’ stè cuntent’…
c’ t’aggeir’ atturn’ veit’
che s’è tutt’ mbastardeit’!

Mah! A capì nan è rruat’

c’ stu munn’ scellerat’,
sta scì nnanz’ o sta scì ndrat’!
Na dej sein’ e l’alta pour’
camb’ semb’ ca pagour’.
Magnaroun’, prepotent’ e mariul’ ogni mument’.

A Savein’ Dibenedett’,

l’hann’ fr’cat’ a bic’clett’
e ogne volt’ ca vè a piit’,
sa piggh’ c’a Madonn’ e ch’ San Piit’!

Dalla sar’ alla matein’

sè s’questr’ o sà rapein’.
Vou sapeit’ ch’è success’
a Barlett’a Bonadies’
stav’ u sol’, d’ matein’
i sfascern’ dò v’trein’
e u patroun’ rumanett’
sett’ dej o gab’nett’
e c’ mò sent’ na batt’,
cudd’ pì e s’fac’ satt’!

A nu punt’ m’arruat’

ca nan puot’ scì ca strat’.
N’alta legg’ hann’ appruat’
ca r’guerd’ i carciarat’:
i m’nistr’ competent’
hann’ dat’ gè a ccussent’,
d’ fé i cell’ e’ carciarat’
ch’ l’usceit’ mezz’ a strat’!
Nan parlam’ a confusion’
quann’ stann’ i votazion’.

Ogne sàr’ a sent’ a Tizz’

ca t’allazz’ nu cumizz’
e t’a sent’ nott’ e dej,
semb’ i stess’ f’ssarej!
C’ na cos’ s’ va fé,
ogne volt’ a scì a vutè
e quant’ chiù s’ dann’ vot’,
chiù s’ mbrogh’l’ u tramot’!
…p’rcè dò nan s’è capeit’
quant’ cacch’ sa i parteit’!

Nan v’ voggh’ raccuntè

quann’ a spas’ ascinn’ a fé.
C’ vu sfreng’ mill’ leir’
du pajeis’ t’ha fé u ggeir’.
È vout’ u rest’ stamatein’:
na giggett’ e tre st’cchein’!
Paparuol’ e p’m’dor’
l’ha paghell’ accom’ all’or’.

C’  vù u zucch’r’ o vù u reis’

t’anghì a palt’ d’ t’rneis’.
Munacedd’ e lambascioun’
ca quann’erm’  nou uagnoun’,
n’e vulav’  mè n’scioun’,
vann’ a mill’ leir’…  l’oun’!
Ci o telef’n’  add’mour’
t’a fr’cat’ d’ s’cour’!

C’ na louc’ ammalagnat’

a Madonn’ stè app’cciat’
picca picc’ ch’a mument’
quenn’ a tucch’ nan s’ sent’
ca dè mbecc’ stè a corrent’,
vularì stè d’r’mbett’
quenn’ arreiv’ pò a bullett’
ca tou a ligg’ e fè na moss’
p’rcè tenn’ ha piggh’ a scoss’!

Joun’ pour’ ca jè nzist’,

a stu munn’ nan r’sist’..
Nan ng’ stè chiù sugg’zzion’
tra m’nenn’ e tra uagnon’.

M’ d’ciav’ mba Tonein’

ca dò figgh’, signorein’,
vann’ plac’d’ e tranquill’
a fé a mor… mezz’ a vili’!
Mentr’, a grenn’, da nu mbeis’,
stè gè ngint’ d’ tre meis’!
L’è rumas’ nu uagnon’,
ma m’ par’ ca jè r’cchion’!

P’ sti fett’, ogne matein’,

qnuenn’ vat’ stu casein’,
m’accummenz’ addumannè:
– “Ma c’ chezz’ chemb’ a fé?
Vù v’dè che in fond’ in fond’
s’ stè meggh’ all’altro mond’?”

E ch’avè chiù informazion’,

è p’gghiat’ nu getton’ .
e c’u disc’t’ e u vrezz’ teis’
è chiamat’ u Pareveis’.

M’è r’spust’ San Gaetan’:

– “Non capisco il barlettan’,
se un moment’ Lei mi aspett’
c’è Piazzoll’ di Barlett’!”

V’nett’ dóp’ sta chiamat’

o’ telef’n u Puat’:
– “C’ jè ca m’ chiam’ propr’ a chess’or’
mentr’ m’ stav’ a ferm’ a contror’?”
– “Nan t’ ngazzenn’, sol’ un moment’
chi ti chiam’ è un tuo parent’!

Dungh’, s’ccom’ stu munn’, u munn d’i veiv’,

v’add’v’ndat’ tropp’ catteiv’,
sol’ na cos’ voggh’ sapè,
jè meggh’ a stè dò o jè meggh’ a stè ddè?”

– “Nan pozz’ r’spann’ ca mò pass’ Crist’

p’rcè Cudd’ s’ngazz’ quann’ deich’ c’è vist’,
ma c’ tou vù v’dè accom’ stoch’jej,
vien’t’ a stè dò ch’ cingh’ o sè dej,
acch’ssì veit’ com’s’ trov’ a ggent’
ca quenn’ cambav’ è fett’ u f’tent’
oppour’ chidd’ ca semb’ hann’ stat’
dei galantuom’ onest’ e aggarbat’
e com’ s’a pass’ c’ sop’ alla terr’,
per l’ambizion’, scatena la uerr’!

Beh, c’a v’nì vien’ sub’t’ ca jej dò t’aspett’,

t’ salout’ Luigi Piazzolla di Barlett’!”
Achiudett’ e tann’ stess’
rumanibb’ accom’ o fess’.

Ma la nott’ susseguent’,

m’ turnett’ nella ment’
e  jind’ o  suonn’, a mà, a braccett’,
nzim’ a jidd’ m’ purtett’.
Jerr’ a stessa sensazion’
d’ scì ngiil’ jind’ o pallon’…
quend’ chiù m’alluntanav’,
ogne ccos’ spar’sciav’…
i palazz’… i ccas’… i ccos’..
i cristian’ pr’suntuos’.
Vesc’ e jilt’ d’ statour’,
jern’ tutt’ na m’sour’.

A r’cchezz’, u luss’, i foum’

ca t’ fenn’ perd’ i loum’,
a superbij, l’egoisim’ e l’amb’zion’
quenn’ vè ngiil’ jind’ o’ pallon’,
t’ n’avviert’ e tenn’ siint’
ca nan’ serv’n’ propr’ a niint’!

Bah! A matein’, mbart’ i ssett’,

a na port’ s’ fr’mett’,
po’, c’a voc’ un pò abbrucat’,
diss’: – “Ascinn’, m’arruat’!”
Non appan’ tuzz’lett’,
fu San Piit’ ca ng’iaprett’
cu p’rmess’ avout’ gè
d’ scì u Mbiern’ a v’s’tè,
e tann’ stess’ di dannat’
tutt’ e dou p’gghiemm’ a strat’.

CANTO I
Da na scalì mbrac’tatì
ca mò cat’ e mò nan cat’,
sensa louc’, tutt’ oscour’,
ca cacazz’ e ca pagour’,
abbagnat’ d’ s’dor’
asc’nnemm’ chiù d’ n’or’
fein’ a quenn’ s’arruett’
a una specie d’ laghett’
ca parav’ stav’ tutt’
chiein’ d’acqu,  ma jerr’ assutt’.

Fu a stu punt’ che all’istent’,

gè p’gghibb’ u preim’ sc’kent’!
Tutt’ na volt’, all’improvveìs’,
senza mengh’ na cammeis’,
(verament’ un po’ schifos’
ca parav’ tutt’ cos’)
jess’ for’ da na port’
vascia vasc’ e tutta stort’,
ch’ l’occhial’, nu cristian’
ch’ na copp’l mmacch’ o can’,
e a ognoun’ ca passav’,
a l’mas’n’ c’rcav’.

Ch’ nu zumb’ m’ scansibb’

e a Piazzoll’ addumannibb’:
– “Dimm’, tou ca t’ n’ ndiind’,
pour’ dò stann’ i p’zziind’?”
R’spunnett’ musc’ musc’:
– “Veit’ ca a cudd’ tou u canusc’…
e c’u uerd’ fiss’ fiss’,
t’ n’avviirt’ ca jè Onassìs!
Ca da veiv’, c’ cambav’
i m’gliard’ sciusc’gghiav’!”
– “Ma, jind’ o Mbiern’, o Paraveis’,
a c’ serv’n’ i t’rneis’?”

D’cett’ Piazzoll’ ch’a mà stav’ rat’:

– “Aah, u Padr’tern’ a tutt’ è p’nzat’
cudd’ che i sold’ i sc’ttav’ ca veij,
faciav’ nu sfregg’ a grezz’ d’ Dej,
mò, ca dò, i cerch’ e né pot’ chiù avè,
s’ send’ sci n’goul’ e s’ va dannè!”

CANTO II
U lassemm’ a jidd’ e o can’
e a Piazzoll’ i dibb’ a man’.
R’p’gghiemm’ arrat’ a vej
jidd’ nnanz’ e rat’ jej…
quand’ pì, nu viind’ fort’
sbalanghett’ n’alta port’
d’and’assav’ foum’ e fiit’
com’ quann’ sop’ o spiit’
joun’ arrast’ na salsizz’
e jind’ o ffuch’ cat’ a stizz’.

Jerr’ u foum’ penetrant’

Com’ a quann’ jind’ a Palpant’
c’a taricu’l’ e a furnacedd’
s’arrustev’n’ i spangedd’!
Trasì jind’ nan’ vulav’,
ma u Puat’ m’ vuttav’
– “Cuss’ jè nu post’ riservat’
a tutt’ i nasist’ da uerra passat’
e da sta port’ nan pass’ n’scioun’
p’rcè l’ebrej sa sol’ i patroun’!

Dò stè na mach’n’ assai gigantesch’

ca van chiamat’ MACINA TEDESCH’.
Ogne nazist’ ca ddè s’ macein’,
jess’n’ ogne volt’ tre cheil’ d’ farein’.
Chessa farein’ d’ cristian’
van’ mbastat’ a form’ d’ pan’
po’ van’ mburnat’, ..e ogne panett’,
tan’ l’occhial’, u mustazz’ e l’elmett’! “

CANTO III
Dop’ ch’erm’ giè passat’,
r’p’gghiemm’ arrat’ a strat’.
Asc’nnemm’ a sdr’m’loun’
na tr’ndein’ d’ gradoun’
e na volt’ arruat’ abbesc’
una frecc’ accom’ o fesc’,
indicav’ na cantein’
andò stav’ Musullein’.

A fè a uerd’ a stù suttan’,

stav’n’ mill’ part’ggian’
ca uarder’n’ i document’
e ng’ der’n’ a ccussent’.
Tra n’pout’, mamm’ e figgh’,
stav’ il Douc’ c’a famiggh’.

Ass’ttat’ tutt’ arringh’

dò p’ quatt’ e dè p’ cingh’,
com’ stev’n’ o passat’
a Varrett’ mezz’ a strat’
figgh’ e attan’ ca mammè,
tutt’ i men’l’ a scazzè.

All’embiit’ fecc’ e fecc’,

a m’gghiar’ c’a Petacc’.
Jind’ a na ghebbij, accom’ a nu pezz’
stav’ u sciirn’ GALEAZZ’
ca jind’ o specch’ s’ uardav’
e jind’ a fecc’ s’ sputav’.

Sop’ a na prat’, accom’ a nu scogl’

stav’ attaccat’ PIETRO BADOGL’.
Mbecc’ a nu mour’, formato gigant’,
stav’ u r’trett’ d’ GIORG’ ALMIRANT’.
MUSULLEIN’, assai compunt’
s’ faciav’ tenta cunt’.
T’nav’ sc’ttat’, sop’ a buffett’
nu sort’ m’n’don’ d’ baionett’
e a joun’ a volt’, ch’ nan s’ sbagliè,
da chiù d’ trent’enn’ i stav’ a cuntè.

D’cibb’ a Piazzoll’, ca ddè m’ purtett’

– “C’ chezz’ n fac’ d’ sti baionett’?”
– “Aah, – diss – stu pov’r’ crist’ nan s’è fett’ capac’
d’i f’ssarej d’ Badogl’ e STARAC’
e i vè truenn’ da sop’ a buffett’
i jatt’ m’lioun’ d’ bajonett’!
Ogne pugnal’ ca trov’ manchent’,
auand’ a Badogl’ e i lav’ i mutend’…
na man’ a t’neggh’, ch’ l’alt’ n’accett’,
l’auand’ da satt’ e i teggh’ u fr’sc’chett’!” (… u berrett’)

CANTO  IV
Chessa zon’ abbandunat’
r’p’gghienm’ arrat’ a strat’
ca t’nemm’ appuntament’
propr’ satt’ o PARLAMENT’.

Ch’ fé sub’t’ a scì ddè,

noleggemm’ u sciarabbè,
e mentr’ scemm’ chian’ chian’,
u cavedd’ attecch’ a man’
e s’ccom’ tutt’ i strat’
nan l’avev’n’ aggiustat’,
p’rcè ormai jè trad’zion’
ca s’aspett’n’ i votazion’,
ch’ nan ess’ strapazzat’
a facemm’ a piit’ a strat’.

Arruemm’ jind’ a na chiezz’

e v’demm’ nu palezz’
andò stev’n’, scalmanat’,
Senatour’ e Debbutat’
ca gr’dev’n’ e ogne tant’
s’ p’gghiev’n’ a cr’pant’.

Stav’n’ atturn’ tutt’ quent’

a na pizz’ ch’err’ tent’
ca t’nav’ tal’ e qual’
propr’ a form’ d’u Stual’.
Tutt’ nziim’, da ogne lat’
a sbranev’n’ i dannat’.

M’ parav’ in quel’ moment’,

cudd’ agnill’ ca, nucent’,
s’ truett’ a nz’gh’rdoun’,
mezz’ e ciemb’ d’i lioun’!
L’impression’ chè rumas’
jè ca mmezz’ a sti vastas’.
ca facev’n’ i catteiv’,
stev’n’ i muort’ e stev’n’ i veiv’.

M’ parett’, com’infatt’,

c’a bonelm’ d’ TOGLIATT’
con violenz’ mbacc’ sferr’
nu cazzott’ a BERLINGUER’
e c’a forz’ ca m’ttett’,
i capidd’ i sciascianett’!

Pò u s’ndibb’ d’ gr’dè:

– “Ma c’ cacch’ stat’ a fé?
Joun’ tras’ e l’alt’ jess’,
l’ ma fé stu compromess’?
o v’ piggh’n’ ch’ fess’?”

Fecc’ frant’, n’alt’ e joun’,

ca mangiav’ a tre v’ccoun’,
ogne volt’ ca mangiav’1,
a s’nistr’ adoperav’
e MATTIOTT’ con furor’
ogni tant’ assav’ for’
da jind’ a secch’ a stu MANGEIN’,
leir, doll’r’ e st’r’lein’
e i d’ciav’ preoccupat’:
– “D’andò chezz’ l’arrubbat’?”

Cudd’ mbac’, nan d’ man’,

ch’ na fecc’ d’ bottan’
r’s’punnav’ indispetteit’:
– “Nan sa i mei, sà du Parteit’!”

Da nu M.A.S. silurat’

il BORGHESE, sfiduciat’,
tutt’ stangh’ ed avvileit’,
perchè il “Golpe” era falleit’,
stava a deic’ ad ALMIRANT’:
– “Sciat’v’ a colch’ tutt’ quant’!

Mò vu ddeich’ tust’ tust’,

nan jè propr’ affar’ u vust’
e c’ COVELL’ è rimbambeit’
meggh’ jè ca v’ sparteit’!”
Mentr’ stav’ a sent’ u fett’,
D’ DE GASP’R’ u r’trett’
ch’ nu lamp’ e ch’ na scoss’
s’ facett’ in carn’ ed oss’.

S’ str’ngiav’ ch’ do man’

a carrouch’ d’ FANFAN’:
– “Tou ha mannat’, ch’ANDREOTT’,
u Parteit’ a fers’ fott’!
– ch’ nu calc’ mbecc’ a penz’ –
And’è sciout’ a maggiorenz’?
Tou da quenn’ ha meis’ i mman’
mò sa chiù i repubbl’can’!
e c’ approv’n’ l’abort’
oramai m’ pers’ a sort’!”

E auandat’ s’ n’ scern’

satt’ o vengh’ du GUVERN’
andò MOR’, cudd’ mbeis’,
s’ faciav’ a mezza reis’
e da satt’ a tav’lat’,
i chiavett’ na stambat’!

Stav’ in fond’ a camarat’

a na tav’l’ ass’ttat’
nu patroun’ d’ cantein’
ch’ na salm’ e chiù d’ vein’
ca l’anghiav’ nu buatt’
e ngi u dav’ a SARAGAT’
ca b’vav’, e nnenz’ a tutt’,
s’ m’ttav’ a fé sgh’rrutt’.
MALAGOD’, da luntan’,
c’a bandiir’ appas’ mman’,
s’ n’ sciav’ a ndrat’ a ndrat’
tutt’ afflitt’ e scunz’lat’
e d’ciav’: – “M’ ringresc’
ma jè meggh’ ca sparesc’
ca s’ nà dò pess’ i uaj
e s’ frech’n’ pour’ a maj!”

Ma a cos’ più indecent’

jè ca nderr’, u pav’ment’,
stav’ chiein’ d’ r’fiout’
sparpagliat’ e afft’sciout’.
Bust’ plast’ch’, cartoon’,
frunn’ e scorz’ d’ m’loun’
d’ mareng’ e d’ c’troun’
ca c’ nan t’ammant’niiv’,
coul’ nderr’ t’ n’ sciiv’!
– “Ma c’ ccos’ jè sta sc’k’fezz’?
pour’ o mbiern’ stè a munnezz’?”

A r’spost’ pr’parat’

a t’nav’ giè u Puat’:
– “Mò jav’ s’cour’ quett’ matein’
ca tutt’ i diav’l’ ca fenn’ i spazzein’,
s’ccom’ a pagh’ voln’ess’ nghianat’,
stann’ a fé sciop’r’ e nan hann’ scupat’!
Pour’ i diav’l’ negoziant’
hann’ achious’ tutt ‘ quant’
mentr’ i diav’l’ ferroviir’
stern’ ferm’ fin’ a jiir’”.

Pò m’ diss’: – “C’ t’ creit’?

Pour’ dò jè trist’ a veit’!”
A stu punt’ m’ f’rmibb’
e all’istent’ cap’scibb’
ca s’avev’n’ piazzat’
pour’ o mbiern’ i SINDACAT’!

E mentr’ faciav’ sta riflession’

s’ndemm’ v’cein’ na fort’ esplosion’
da rat’ a nu mour’ tre diav’l’ assern’
auandern’ a Piazzoll’ e u s’qu’strern’!
A mà m’ lassern’ perà sol’ a patt’
ca sciav’ a Barlett’ a p’gghiall’ u r’scatt’.

Jej ca pagour’ e fors’ pu sc’kant’

s’ndibb’ ca s’ern’ abbagnat’ i mutand’
e mentr’ u cor’ s’ n’assav’ da mbiett’,
m’ r’s’b’gghibb’ … e stav’ jind’ o liett’!

Ciò ch’err’ vist’, ogne p’rson’

jerr’ soltant’ immaginazion’…
na cosa cert’ avav’ truat’:
u matarazz’ ca s’err’ abbagnat’.
Fors’ err’ stat’ u miizz’ m’lon’
ca m’err’ mangiat’ for’ stagion’!

Beh, a conclusion’ l’aveit’ capeit’

ca cuss’ suonn’ a na cos’ è s’r’veit’:
è s’r’veit’ a mealt’ a ferc’ sapè
ca accom’ jè a stè dò, acch’ssì jè a stè ddè!
P’cchess’ l’augurij ca nou, senza dann’
cambam’ a stu munn’ ch’ n’alt’ e cind’ann’!

 http://ginogarribba.myblog.it/media/02/01/2904205999.mp3Parte 1

 http://ginogarribba.myblog.it/media/00/01/3938111615.mp3Parte 2

 http://ginogarribba.myblog.it/media/01/02/3621452239.mp3Parte 3

 http://ginogarribba.myblog.it/media/00/01/1710892511.mp3Parte 4

Jè meggh’ a cambèultima modifica: 2011-09-09T17:28:09+02:00da prof_giga
Reposta per primo quest’articolo

Lascia un commento